ଆମେରିକାରେ ମିଛ ନିର୍ଯାତନା କାହାଣୀ କହି ଯୁବତୀ ଓଡ଼ିଶା ଫେରିବା ଘଟଣା ।ପୂଜାଙ୍କ ବୟଫ୍ରେଣ୍ଡ ଅମରକୁ ଉଠାଇ ନେଲା ପୋଲିସ
ପ୍ରେମ ପାଇଁ ଆମେରିକା ଛାଡ଼ି ଓଡ଼ିଆ ଝିଅ ପୂଜା ଓଡ଼ିଶା ଫେରି ଆସିବା ଘଟଣାରେ ନୂଆ ମୋଡ଼। ପୂଜା ଓରଫ୍ ସୈଜଲର ବୟଫ୍ରେଣ୍ଡ ଅମରକୁ ଟେକି ନେଇଛି ବାଲେଶ୍ଵର ପୋଲିସ। ଆମେରିକାରୁ ଫେରିବା ପରେ ପୂଜାଙ୍କୁ ବାଲେଶ୍ଵର ନାରୀଶକ୍ତି ଗୃହରେ ରଖାଯାଇଛି। ଆଜି ପୂଜାଙ୍କ ପୁରୁଷ ବନ୍ଧୁ ଅମରଙ୍କୁ କାଉନସେଲିଂ ପାଇଁ ଡକାଇଥିଲେ ନାରୀ ସଂଘ । ତେବେ ପଚରାଉଚରା ବେଳେ ତାଙ୍କ ପାଖରେ କୌଣସି ପରିଚୟ ପତ୍ର ମିଳିନଥିଲା, କଥାରେ ତାଳମେଳ ରହୁନଥିବାରୁ ସନ୍ଦେହରେ ପୋଲିସକୁ ଖବର ଦେଇଥିଲା ନାରୀ ସଂଘ । ଅଧିକ ପଚରାଉଚରା ପାଇଁ ଥାନାକୁ ଉଠାଇ ନେଇଛି ପୋଲିସ ।କାଉନସେଲିଂ ସମୟରେ ଆମେରିକାରେ ଥିବା ପୂଜାଙ୍କ ବାପା ମାଆଙ୍କୁ ଅମର କୋଟିଏ ଟଙ୍କା ମାଗିଥିବା ଜଣାପଡ଼ିଛି। ସହଦେବଖୁଣ୍ଟା ପୋଲିସ ଅମରର ମୋବାଇଲକୁ ଜବତ କରି ତାକୁ ଅଟକ କରି ଅଧିକ ପଚରା ଉଚୁରା କରୁଛି। ସୂଚନାମୁତାବକ ଆମେରିକାର ଦମ୍ପତି ପୋଷ୍ୟ ସନ୍ତାନ ଭାବେ ଗ୍ରହଣ କରିଥିବା ପୂଜାଙ୍କୁ ସେଠାରେ ଶାରୀରିକ ଓ ମାନସିକ ନିର୍ଯାତନା ଦେଉଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏନେଇ ସେ ମଧ୍ୟ ତାଙ୍କ ପୁରୁଷ ବନ୍ଧୁ ବାଲେଶ୍ଵର ରେମୁଣା ଅଞ୍ଚଳର ଅମର ଦାସଙ୍କ ନିକଟକୁ ସେହି ଭିଡିଓ ପଠାଇଥିଲେ । ଅମର ଗତ ନଭେମ୍ବର ୧୦ରେ ବାଲେଶ୍ୱର ଜିଲ୍ଲାପାଳଙ୍କୁ ଭେଟି ପୂଜାଙ୍କୁ ସେଠାରୁ ମୁକୁଳାଇ ଆଣିବା ପାଇଁ ନିବେଦନ କରିଥିଲେ । ପ୍ରଶାସନ ସହୟତାରେ ଗତ ନଭେମ୍ବର 25ରେ ଓଡ଼ିଶା ଆସିଥିଲେ ପୂଜା । ତେବେ ସେ ପ୍ରେମିକ ପାଖକୁ ଆସିବା ପାଇଁ ନିର୍ଯାତନା ନାଟକ ରଚିଥିବା କହିଥିଲେ । ଏଥିସହ ଅମରଙ୍କୁ ବିବାହ ପାଇଁ ଜିଦ୍ ଧରିଥିଲେ । ତେବେ ପୂଜା ବା ସେଜଲଙ୍କୁ ବର୍ତ୍ତମାନ ନାରୀସଙ୍ଘ ଶକ୍ତି ସଦନରେ ରଖାଯାଇଛି ।
