ଆଇଇଡି ବିସ୍ଫୋରଣରେ ଜଣେ ମହିଳାଙ୍କର ମୃତ୍ୟୁ, ୨ଯୁବତୀ ଗୁରୁତର
ପଡ଼ୋଶୀ ଝାଡ଼ଖଣ୍ଡର ପଶ୍ଚିମ ସିଂହଭୂମ ଜିଲ୍ଲାର ସରଣ୍ଡା ଜଙ୍ଗଲରେ ମାଓବାଦୀମାନେ ପୁଣି ଥରେ ନିଜର ଉପସ୍ଥିତି ରଖିଥିବା ପ୍ରମାଣ କରିଛନ୍ତି। ସେମାନଙ୍କର ଦ୍ଵାରା ଖଞ୍ଜା ଯାଇଥିବା ଆଇଇଡି ବିସ୍ଫୋରଣରେ ଜଣେ ମହିଳାଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ଅଛନ୍ତି। ଏହି ଘଟଣା ଶୁକ୍ରବାର ଜରାଇକେଲା ଥାନା ଅଧୀନସ୍ଥ କୋଲବୋଙ୍ଗା ଅଞ୍ଚଳରେ ଘଟିଛି। ସୂଚନା ଅନୁସାରେ, କୋଇଭଙ୍ଗା ଗ୍ରାମର ଫୁଲ ଧନୱାର (୧୦), ସାଲବୀ କାଣ୍ଡୁଲାନା(୧୯) ଏବଂ ବିର୍ସି ଧନୱାର(୧୯) ଘରେ ଚୁଲି ଜଳେଇବା ଲାଗି ଶୁଖିଲା କାଠ ଆଣିବାକୁ ଜଙ୍ଗଲକୁ ଯାଇଥିଲେ । ଜଙ୍ଗଲ ରାସ୍ତାରେ ଯାଉଥିବାବେଳେ ମାଓବାଦୀ ଲଗାଇଥିବା ଆଇଇଡି ଉପରେ ଫୁଲଙ୍କ ଗୋଡ଼ ପଡି ଯାଇଥିଲା। ଫଳରେ ଆଇଇଡି ବିସ୍ଫୋରଣ ହେବାରୁ ୩ଜଣ ଗୁରୁତର ହୋଇଥିଲେ । ସେମାନଙ୍କ ଚିତ୍କାର ଶୁଣି ଗ୍ରାମବାସୀ ସେଠାରେ ପହଞ୍ଚିଥିଲେ । ହେଲେ ସେତେବେଳକୁ ଫୁଲଙ୍କ ମୃତ୍ୟୁ ଘଟି ସାରିଥିଲା । ସଲାମି କାଣ୍ଡୁଲନା ଓ ବର୍ସି ଧନୁଆରଙ୍କ ଚିକିତ୍ସା ଜାରି ରହିଛି। ସେମାନଙ୍କର ଅବସ୍ଥା ଅତ୍ୟନ୍ତ ଆଶଙ୍କାଜନକ ବୋଲି କୁହାଯାଉଛି।ଅଞ୍ଚଳରେ ନକ୍ସାଲ ବିରୋଧୀ ଅଭିଯାନକୁ ଆହୁରି ତିବ୍ର କରିବା ପାଇଁ ନିର୍ଦ୍ଦେଶ ଦେଇଛି।
