ଓଡ଼ିଶା ବିଧାନସଭାରେ ପ୍ରଶ୍ନକାଳ ସମୟରେ ବଙ୍ଗାଳୀ ଯୁକ୍ତି

ଓଡ଼ିଶା ବିଧାନସଭାରେ ପ୍ରଶ୍ନକାଳ ସମୟରେ ଏକ ଅଭିନବ ତଥା ରୋଚକ ଦୃଶ୍ୟ ଦେଖିବାକୁ ମିଳିଛି, ଯେତେବେଳେ ବିଧାୟକମାନେ ଓଡ଼ିଆ ଭାଷା ପରିବର୍ତ୍ତେ ବଙ୍ଗାଳି ଭାଷାରେ ଯୁକ୍ତିତର୍କରେ ମାତିଥିଲେ। ଏହି ଘଟଣାକୁ ଦେଖି ସାଧାରଣରେ ‘ଓଡ଼ିଆ ଅସ୍ମିତା’ କଥା ମନେପଡିଛି।ରଣେନ୍ଦ୍ରଙ୍କୁ କଡା ଜବାବ ଦେଲେ ସିଦ୍ଧାନ୍ତ।ବଙ୍ଗଳା ଭାଷାରେ ମୁହାଁମୁହିଁ ହେଲେ ବିଧାୟକ।ବଙ୍ଗାଳୀ ଭାଷାରେ ଢଗ ଶୁଣାଇ ସରକାରଙ୍କୁ ପ୍ରଶ୍ନ କଲେ ବିଜେଡି ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁ । ପୁଣି ବଙ୍ଗଳା ଭାଷାରେ କଡା ଜବାବ ରଖିଲେ ଶାସକ ଦଳର ବିଧାୟକ ସିଦ୍ଧାନ୍ତ ମହାପାତ୍ର। ଆଜି ବିଧାନସଭା ଶୀତକାଳୀନ ଅଧିବେଶନର ଦ୍ବିତୀୟ ଦିନ ହୋଇଥିବା ବେଳେ ସ୍କୁଲ ଓ ଗଣଶିକ୍ଷା, ଉଚ୍ଚଶିକ୍ଷା ବିଭାଗର ପ୍ରଶ୍ନକାଳ ସମୟରେ ମୁହାଁ ମୁହିଁ ହୋଇଥିଲେ ରଣେନ୍ଦ୍ର ଏବଂ ସିଦ୍ଧାନ୍ତ। ଡ୍ରପ୍ ଆଉଟ ହାରକୁ ନେଇ ପ୍ରଶ୍ନ କରିଥିଲେ ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁ ।

ମନ୍ତ୍ରୀ କହିଥିଲେ, ହିସାବ କିତାବ ଠିକ ଆଛେ, ଛେଲେ ଘୁରଛେ କ୍ୟାନୋ ଅର୍ଥାତ୍ ଯଦି ହିସାବ ଠିକ୍ ଅଛି, ତେବେ ପିଲା କାହିଁକି ବୁଡ଼ୁଛନ୍ତି? ତମ ପାଖରେ ସବୁ ରିପୋର୍ଟ ଅଛି । ୨୦୨୪-୨୫ରେ କେତେ ପିଲା ନାମ ଲେଖାଇଥିଲେ? ବର୍ତ୍ତମାନ ୨୫-୨୬ରେ କେତେ ଲେଖେଇଲେ? କଟକ ଜିଲ୍ଲାରେ କେବଳ ୨୮୧୦ ସ୍କୁଲ୍ ଅଛି । ଚଳିତ ବର୍ଷ ୩୨ ହଜାର ଛାତ୍ରଛାତ୍ରୀ କମିଛନ୍ତି । ମନ୍ତ୍ରୀଙ୍କ କହିବାନୁସାୟୀ, ଛାତ୍ରଛାତ୍ରୀଙ୍କୁ ସ୍କୁଲ୍ ଆଣିବାକୁ ସରକାର ବିଭିନ୍ନ ଯୋଜନା କରିଛନ୍ତି । ଯଦି ସବୁ ଠିକ୍ ଅଛି ତାହାହେଲେ, ଅସୁବିଧାଟା କେଉଁଠି? କାହିଁକି ପ୍ରତିବର୍ଷ ନାମଲେଖା କମୁଛି? ରଣେନ୍ଦ୍ର ସ୍ୱାଇଁଙ୍କ ବଙ୍ଗାଳିରେ କଟାକ୍ଷ ପରେ, ଶାସକ ଦଳ ବିଧାୟକ ସିଦ୍ଧାନ୍ତ ମହାପାତ୍ର ମଧ୍ୟ ବଙ୍ଗାଳି ଭାଷାରେ ହିଁ ପାଲଟା ଜବାବ ଦେଇଥିଲେ।
ଓଡ଼ିଶାର ଗୌରବ ଓ ସ୍ୱାଭିମାନର ପ୍ରତୀକ ଏହି ବିଧାନସଭା ଗୃହରେ ଓଡ଼ିଆ ପରିବର୍ତ୍ତେ ବଙ୍ଗାଳି ଭାଷାରେ ଆରୋପ ପ୍ରତ୍ୟାରୋପ ହେବା ଚର୍ଚ୍ଚାର ବିଷୟ ପାଲଟିଛି।