ମହାପ୍ରଭୁଙ୍କ ୨୪ବେଶ ଓ ୫୬ଭୋଗ ପ୍ରଦର୍ଶନ:-ଶ୍ରୀ ଜଗନ୍ନାଥ ଙ୍କ ପାଞ୍ଚରାତ୍ର ମ ହୋତ୍ସବ :-ବିରଳ ବେଶ ଦର୍ଶନ ପାଇଁ ଲାଗିଛି ଗହଳି

କୋଣାର୍କ:-10/02/2026 ଆଧାତ୍ମିକ ପରିବେଶରେ ଦିବ୍ୟ ଅନୁଭବ। ମହାପ୍ରଭୁ ଙ୍କ ବେଶ ଦର୍ଶନ କରି କୃତାର୍ଥ ଶ୍ରଦ୍ଧାଳୁ । ଗୋଟିଏ ସ୍ଥାନରେ ଶ୍ରୀଜୀଉ ଙ୍କର ୨୪ ପ୍ରକାର ବେଶ। ବିରଳ ବେଶ ଦର୍ଶନ ପାଇଁ ଲାଗିଛି ଗହଳି। କାଳିଆ ଠାକୁର ଙ୍କ ଦୈନଦିନ ବେଶ ସହିତ ୧୨ ମାସରେ ହେଉଥିବା ଭିନ୍ନ ଭିନ୍ନ ବେଶ ର ରହିଛି ବିଶେଷ ମହତ୍ତ୍ୱ। ଏ ବେଶ ଦର୍ଶନ କଲେ କୋଟି ଜନ୍ମର ପୁଣ୍ୟ ପ୍ରାପ୍ତି ହୋଇଥାଏ। ଏ ବିଶ୍ୱାସ କୁ ଆଧାର କରି ଭକ୍ତ ଓ ଶ୍ରଦ୍ଧାଳୁଙ୍କ ପାଇଁ ଶ୍ରୀଜଗନ୍ନାଥ ପାଞ୍ଚରାତ୍ର ସମିତି ତରଫରୁ ପୁରୀ ଜିଲ୍ଲା କାକଟପୁର ଦେଉଳି ମଠ ପରିସରରେ ଦଶମ ବାର୍ଷିକ ଶ୍ରୀ ଜଗନ୍ନାଥ ପାଞ୍ଚରାତ୍ର ଉଦୁଘାଟନ ସୋମବାର ସନ୍ଧ୍ୟା ସମୟରେ ଅନୁଷ୍ଠିତ ହୋଇଛି। ମୁଖ୍ୟ ଅତିଥି ରାଧାବଲ୍ଳଭ ମଠ ପୂଜ୍ୟ ମହନ୍ତ ଶ୍ରୀରାମକୃଷ୍ଣ ଦାଶ,ଜଗନ୍ନାଥ ମହିମା ପ୍ରଚାରକ ପଣ୍ଡିତ ସତ୍ୟାନନ୍ଦ ଦାଶ ମହାରାଜ ଙ୍କ ସହ ଅନ୍ୟ ସାଧୁସନ୍ଥ ପ୍ରମୁଖ ଉପସ୍ଥିତ ଥିଲେ।ଗୋଟିଏ ସ୍ଥାନରେ ପଦର୍ଶିତ ହୋଇଛି ମହାପ୍ରଭୁଙ୍କ ଭିନ୍ନ ଭିନ୍ନ ୨୪ପ୍ରକାର ବେଶ। ଏହି ସୁନ୍ଦର ଦିବ୍ୟ ବେଶ ମହାପ୍ରଭୁଙ୍କ ଦେଖି ଭକ୍ତ ବିଭୋର ହେଉଛି।ଅନେକ ସମୟରେ ଶ୍ରୀମନ୍ଦିର କୁ ଯାଇ ମହାପ୍ରଭୁଙ୍କ ବିଭିନ୍ନ ବେଶ ଦର୍ଶନର ସୌଭାଗ୍ୟ ପାଇପାରନ୍ତିନି ଭକ୍ତ।ଶ୍ରୀଜଗନ୍ନାଥ ପାଞ୍ଚରାତ୍ର ସମିତି ସହଯୋଗ ରେ ଶ୍ରଦ୍ଧାଳୁ ଏ ସବୁ ବେଶ ଦେଖିବାର ସୁଯୋଗ ମିଳିଛି। ୯ଫେବୃଆରୀ ରୁ ୧୪ଫେବୃଆରୀ ପର୍ଯ୍ୟନ୍ତ ଦେଉଳି ମଠ ନିକଟରେ ଅନୁଷ୍ଠିତ ହେବ। ସନ୍ଧ୍ୟା ସମୟରେ ସ୍କନ୍ଦ ପୁରାଣ ଅନ୍ତର୍ଗତ ଶ୍ରୀ ପୁରୁଷୋତ୍ତମକ୍ଷେତ୍ର ମହାତ୍ମା ପାରାୟଣ ଓ ପ୍ରବଚନ ମଧ୍ୟ ଅନୁଷ୍ଠିତ ହେଉଛି।ଏଭଳି ଦିବ୍ୟ ଆୟୋଜନ ପାଈଁ ଶ୍ରୀ ଜଗନ୍ନାଥ ପାଞ୍ଚରାତ୍ର ସମିତି କୁ ଧନ୍ୟବାଦ ଦେଇଛନ୍ତି ଶ୍ରଦ୍ଧାଳୁ ।