ଯାତ୍ରୀବାହୀ ବସରେ ଅଗ୍ନି ସୁରକ୍ଷା ବ୍ୟବସ୍ଥା ବାଧ୍ୟତାମୂଳକ

ଆନ୍ଧ୍ର ପ୍ରଦେଶ କୁର୍ନୁଲ ବସ ଟ୍ରାଜେଡି ପରେ ଓଡ଼ିଶା ଅଗ୍ନିଶମ ବିଭାଗ ପକ୍ଷରୁ ଜାରି ହେଲା SOP । ଯାତ୍ରୀବାହୀ ବସରେ ଅଗ୍ନି ସୁରକ୍ଷା ବ୍ୟବସ୍ଥା ବାଧ୍ୟତାମୂଳକ । ଅଗ୍ନିଶମ ଓ ଜରୁରୀକାଳୀନ ସେବା ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି । ବସରେ ଫାୟାର ଡିଟକ୍ସନ ଓ ସପ୍ରେସନ ସିଷ୍ଟମ ରଖିବା ବାଧ୍ୟତାମୂଳକ ଅଟେ । ଆପତ୍ତକାଳୀନ ପ୍ରସ୍ଥାନ ଦ୍ୱାର, କାଚ ଭାଙ୍ଗିବାକୁ ହାତୁଡି ରଖିବାକୁ ନିର୍ଦ୍ଦେଶ ଦିଆଯାଇଛି । ୨୦୨୫ ଅକ୍ଟୋବର ପରେ ପଞ୍ଜିକୃତ ବସରେ ଅଗ୍ନି ସୁରକ୍ଷା ବ୍ୟାସ୍ଥା ବାଧ୍ୟତାମୂଳକ ଅଟେ ।ପ୍ରତି ୩ ମାସରେ ଏ ସଂକ୍ରାନ୍ତରେ ରାଜ୍ୟସ୍ତରରେ ସମୀକ୍ଷା କରାଯିବ । ବସରେ ପର୍ଯ୍ୟାପ୍ତ ଅଗ୍ନି ନିର୍ବାପକ ଯନ୍ତ୍ର ରହିବ।

ସେଗୁଡିକର ବ୍ୟବହାର ତାରିଖ ଅଛି କି ନାହିଁ, ସେଥିରେ ଅଗ୍ନି ନିର୍ବାପକ ଗ୍ୟାସ ଅଛି ନା ନାହିଁ ଏସବୁ ଉପରେ ଅନୁଧ୍ୟାନ ହେବ। ସେଗୁଡ଼ିକର ବ୍ୟବହାର ବସ୍ କର୍ମଚାରୀ ଓ ଯାତ୍ରୀ କରିବେ । ଅପତକାଳୀନ ଦ୍ବାର ରହିବ । ଏବିଷୟରେ ଯାତ୍ରୀମାନେ ଜାଣିବେ। ଉଡାଜାହାଜରେ ଯାତ୍ରୀମାନଙ୍କୁ ସୂଚନା ଦିଆଗଲା ଭଳି ସୂଚନା ଦିଆଯିବ । ବସ୍ ରେ ଦହନଶୀଳ ପଦାର୍ଥ ନ ନେବା ସଂକ୍ରାନ୍ତରେ ବସ୍ ର କର୍ମଚାରୀ ସତର୍କ ଅଛନ୍ତି କି ? ଅଗ୍ନିକାଣ୍ଡ ଘଟିଲେ ବସ୍ କର୍ମଚାରୀମାନେ ସେମାନଙ୍କ ଦାୟିତ୍ବ ସଂକ୍ରାନ୍ତରେ ସଚେତନ ଅଛନ୍ତି କି ? ଏ ନେଇ ସେମାନଙ୍କୁ ପ୍ରଶିକ୍ଷଣ ଦିଆଯାଇଛି କି ? ଏହି ସଚେତନତା କାର୍ଯ୍ୟରେ ଉତ୍ସାହର ସହ ଭାଗ ନେବାପାଇଁ ଏବଂ ଏହାକୁ ସଫଳ କରିବାକୁ ନିର୍ଦ୍ଦେଶ ଦିଆଯାଇଛି ।