ସଂପତ୍ତି ତାଲିକା ଦେବେ ଆଇଏଏସ ଅଧିକାରୀ, ଜାନୁଆରୀ ୩୧ ସୁଦ୍ଧା ସଂପତ୍ତି ତାଲିକା ଦେବାକୁ ନିର୍ଦ୍ଦେଶ

ନିଜ ସଂପତ୍ତି ତାଲିକା ଦେବେ ଆଇଏଏସ ଅଧିକାରୀ । ୨୦୨୫ ବର୍ଷ ପାଇଁ ସଂପତ୍ତି ତାଲିକା ପ୍ରଦାନ କରିବାକୁ ସମସ୍ତ ମୁଖ୍ୟ ସଚିବଙ୍କୁ କେନ୍ଦ୍ର କାର୍ମିକ ମନ୍ତ୍ରାଳୟ ଚିଠି ଲେଖିଛି । ଜାନୁଆରୀ ୩୧ ତାରିଖ ସୁଦ୍ଧା ପ୍ରଦାନ କରିବେ ସଂପତ୍ତିର ବିବରଣୀ । ସମୟରେ ବାର୍ଷିକ ସମ୍ପତ୍ତି ତାଲିକା ଦାଖଲ ନକଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ସହ ପଦୋନ୍ନତି ବନ୍ଦ କରି ଦିଆଯିବ ବୋଲି ଚେତାବନୀ ଦିଆଯାଇଛି । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ସମସ୍ତ ରାଜ୍ୟର ମୁଖ୍ୟ ଶାସନ ସଚିବଙ୍କୁ ଅବଗତ କରାଯାଇଛି ।। ଏପରିକି ପଦୋନ୍ନତି ବନ୍ଦ କରି ଦିଆଯିବ । ସମୟରେ ସମ୍ପତ୍ତି ତାଲିକା ଦେଉନଥିବା ବାବୁଙ୍କ ଦରମା ମଧ୍ୟ ବୃଦ୍ଧି ହେବ ନାହିଁ । ସୂଚନାମୁତାବକ ୨୦୨୫ରେ ଓଡ଼ିଶାର ୧୬୫ ଜଣ ଆଇଏଏସ ଅଧିକାରୀ ସେମାନଙ୍କ ସଂପତ୍ତି ତାଲିକା ପ୍ରଦାନ କରିଛନ୍ତି । ୨୦୨୪ ବର୍ଷ ପାଇଁ ସଂପତ୍ତି ତାଲିକା ପ୍ରଦାନ କରାଯାଇଛି। ଉନ୍ନୟନ କମିସନର ଅନୁ ଗର୍ଗ ଜାନୁଆରୀ ୧୮ ତାରିଖରେ ନିଜର ସଂପତ୍ତି ତାଲିକା ଅନଲାଇନ ପୋର୍ଟାଲରେ ଦାଖଲ କରିଥିଲେ । ଗୃହ ସଚିବ ସତ୍ୟବ୍ରତ ସାହୁ ଜାନୁଆରୀ ୧୫ ତାରିଖରେ ପ୍ରଦାନ କରିଥିଲେ । ଆଇଏଏସ ଅଧିକାରୀ ନିକୁଞ୍ଜ ବିହାରୀ ଧଳ ଜାନୁଆରୀ ୨୧ରେ, ସୁରେନ୍ଦ୍ର କୁମାର ୨୯ରେ, ଜି. ମାଥିଭାଥନନ ୨୮ରେ, ସନ୍ତୋଷ କୁମାର ଷଡ଼ଙ୍ଗୀ ଜାନୁଆରୀ ୧ତାରିଖରେ ସଂପତ୍ତି ତାଲିକାର ବିବରଣୀ ପ୍ରଦାନ କରିଥିଲେ । ସେହିପରି ବିଷ୍ଣୁପଦ ସେଠୀ ଜାନୁଆରୀ ୨୪ରେ, ଚିତ୍ରା ଅରୁମୁଗମ ୨୭ତାରିଖରେ, ହେମନ୍ତ ଶର୍ମା ଜାନୁଆରୀ ୧୫ରେ, ସୁଶୀଲ କୁମାଲ ଲୋହାନୀ ୨୦ତାରିଖରେ ସଂପତ୍ତିର ବିବରଣୀ ପ୍ରଦାନ କରିଥିଲେ। କୃଷି ବିଭାଗ ପ୍ରମୁଖ ସଚିବ ଅରବିନ୍ଦ ପାଢୀ ଜାନୁଆରୀ ୨ତାରିଖରେ ନିଜ ସଂପତ୍ତି ତାଲିକା ପ୍ରଦାନ କରିଥିଲେ ।