ସ୍ୱଭାବିକ ହେଲା ଭୁବନେଶ୍ୱର ବିମାନ ବନ୍ଦର

ଭୁବନେଶ୍ୱରରେ ଥିବା ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ଆଜି ସ୍ୱାଭାବିକ ଭାବରେ କାର୍ଯ୍ୟ କରୁଛି। ବାତ୍ୟା ମୋନ୍ଥା ଯୋଗୁଁ ଆଜି କୌଣସି ବିମାନ ଉଡ଼ାଣ ବାତିଲ ହୋଇନାହିଁ। ସୂଚନା ଅନୁଯାୟୀ, ଘୂର୍ଣ୍ଣିଝଡ଼ ମୋନ୍ଥା ସ୍ଥଳଭାଗ ଛୁଇଁବା ପରେ ଦୁର୍ବଳ ହୋଇଯାଇଛି। ତେଣୁ, ଧୀରେ ଧୀରେ ପରିସ୍ଥିତି ସ୍ୱାଭାବିକ ହେବାରେ ଲାଗିଛି ଯଦିଓ ଓଡ଼ିଶାର କିଛି ଜିଲ୍ଲାରେ ପ୍ରବଳ ବର୍ଷା ପାଇଁ ସତର୍କ ସୂଚନା ଜାରି କରାଯାଇଛି।

ପୂର୍ବରୁ, ଘୂର୍ଣ୍ଣିଝଡ଼ ସମୟରେ ପ୍ରବଳ ବର୍ଷା ଏବଂ କମ୍ ଦୃଶ୍ୟତା ଯୋଗୁଁ ସତର୍କତାମୂଳକ ପଦକ୍ଷେପ ସ୍ୱରୂପ କିଛି ବିମାନ ବାତିଲ କରାଯାଇଥିଲା। ଏଥିରେ ୩୦ଟି ଇଣ୍ଡିଗୋ ବିମାନ, ୨ଟି ଏୟାର ଇଣ୍ଡିଆ ବିମାନ ଏବଂ ୫ଟି ଏୟାର ଇଣ୍ଡିଆ ଏକ୍ସପ୍ରେସ ବିମାନ ଅନ୍ତର୍ଭୁକ୍ତ ଥିଲା।