୨୯ ତାରିଖରେ ସମସ୍ତ ସ୍କୁଲ୍ ଛୁଟି
ପଶ୍ଚିମ ଓଡ଼ିଶାର ପ୍ରସିଦ୍ଧ ଗଣପର୍ବ ନୂଆଖାଇ ଉପଲକ୍ଷରେ ରାଜ୍ୟ ସରକାର ୨୯ ଅଗଷ୍ଟ (ଶୁକ୍ରବାର) ରାଜ୍ୟର ସମସ୍ତ ସ୍କୁଲ୍ ବନ୍ଦ୍ ରଖିବାକୁ ଘୋଷଣା କରିଛନ୍ତି। ଗଣଶିକ୍ଷା ବିଭାଗର ବିଜ୍ଞପ୍ତିରେ ଏହା ସ୍ପଷ୍ଟ କରାଯାଇଛି।ପୂର୍ବରୁ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗରୁ ଜାରି ହୋଇଥିବା ବିଜ୍ଞପ୍ତି ଅନୁଯାୟୀ, ୨୮ ଅଗଷ୍ଟକୁ ନୂଆଖାଇ ପର୍ବ ପାଳନ କରାଯିବ ଏବଂ ୨୯ ଅଗଷ୍ଟକୁ ସରକାରୀ ଛୁଟି ରହିବ। ଏହି ଦିନରେ ସମସ୍ତ ସରକାରୀ କାର୍ଯ୍ୟାଳୟ, ମାଜିଷ୍ଟ୍ରାଟ୍ କୋର୍ଟ୍ ଏବଂ ବ୍ୟାଙ୍କ୍ ବନ୍ଦ୍ ରହିବ। ଛୁଟିର କାରଣରୁ ସନ୍ତୁଳନ ରଖିବାକୁ ୧୩ ସେପ୍ଟେମ୍ବର (ଦ୍ୱିତୀୟ ଶନିବାର) କାର୍ଯ୍ୟଦିବସ ଘୋଷଣା ହୋଇଛି।
