୫୦୦ କୋଟି ପାର୍ କଲା ଭକ୍ତି ଗୀତ ହନୁମାନ ଚାଳିଶା

କ୍ୟାସେଟ୍ ଯୁଗ ଥିବା ସମୟରେ ଅନେକ ଗୀତ ହିଟ୍ ହୋଇଥିଲା । ସେତେବେଳେ ଆଧୁନିକ ଗୀତର ଯେତେ ଡିମାଣ୍ଡ ଥିଲା ଭକ୍ତିପୂର୍ଣ୍ଣ ଭଜନକୁ ମଧ୍ୟ ଲୋକ ଖୁବ୍ ଶୁଣୁଥିଲେ । ଘରେ ଘରେ ଶୁଭୁଥିଲା ରାମାୟଣ , ମହାଭାରତ ଏବଂ ଅନେକ ଭଜନ ଗୀତର ସ୍ବର । ମାର୍କେଟରେ ମୁକ୍ତିଲାବ କରିଥିଲା ଟି-ସିରିଜ୍ର ସେହି ବହୁ ପ୍ରତିକ୍ଷୀତ ହନୁମାନ ଚାଳିସା । ଧୀରେ ଧୀରେ ଲୋକଙ୍କର ସେହି ଭଜନ ପ୍ରତି ଡିମାଣ୍ଡ ବି ବଢିଥିଲା । ଟି-ସିରିଜ୍ ପକ୍ଷରୁ ହନୁମାନ ଚାଳିଶାକୁ ଶ୍ରୋତାଙ୍କ ନିକଟରେ ପହଞ୍ଚାଇଥିଲେ ଗାୟକ ଗୁଲଶନ କୁମାର ।

ଯଦିଓ ସେ ଏହାର ସ୍ୱର ଦେଇନଥିଲେ, କିନ୍ତୁ ଲୋକେ ତାଙ୍କ ଅଭିନୟକୁ ବେଶ୍ ପସନ୍ଦ କରିଥିଲେ । ତଥାପି ହରିହରନଙ୍କ କଣ୍ଠସ୍ୱରକୁ ବେଶ୍ ମିଳିଥିଲା ପ୍ରଶଂସା । ଏହାରି ଭିତରେ ବିତିଗଲାଣି ଅନେକ ବର୍ଷ । ତଥାପି ପ୍ରତିଟି ବ୍ୟକ୍ତିବିଶେଷଙ୍କ ହୃଦୟରେ ଏହି ଗୀତ ସୃଷ୍ଟି କରିଛି ଇତିହାସ ।ଏହି ଭଜନ ୫ ବିଲିୟନ୍ ଭ୍ୟୁ ପାଇଥିବା ପ୍ରଥମ ଭାରତୀୟ ଭିଡିଓ ପାଲଟିଛି । ଗୁଲସନ କୁମାରଙ୍କ ହନୁମାନ ଚାଳିଶା ଭଜନ ସର୍ବକାଳୀନ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ସ୍ଥାନ ପାଇଛି । ପ୍ରତିଦିନ ଏହାର ଭ୍ୟୁ ସଂଖ୍ୟା ବଢୁଛି । ହନୁମାନ ଚାଳିଶା ବଲିଉଡ୍, ପଞ୍ଜାବୀ ଏବଂ ଅନ୍ୟ ସୁପରଷ୍ଟାରଙ୍କ ଗୀତକୁ ବି ପଛରେ ପକାଇ ଦେଇଛି । ହନୁମାନ ଚାଳିଶା ଏହି ସଫଳତା ହାସଲ କରିବାରେ ଭାରତର ଏକମାତ୍ର ଭିଡିଓ ପାଲଟିଛି । ଏହି ଭିଡିଓ YouTube ରେ ସର୍ବକାଳୀନ ଶ୍ରେଷ୍ଠ ୧୦ ସର୍ବାଧିକ ଦେଖାଯାଇଥିବା ଭିଡିଓ ତାଲିକାରେ ପ୍ରବେଶ କରିଛି ।ପରବର୍ତ୍ତୀ ସର୍ବାଧିକ ଦେଖାଯାଇଥିବା ଭିଡିଓ ହେଉଛି ପଞ୍ଜାବୀ ଟ୍ରାକ୍ ‘ଲେହେଙ୍ଗା’ ଯାହାର ଭ୍ୟୁ ୧.୮ ବିଲିୟନ । ହରିୟାଣା ଗୀତ ‘୫୨ ଗଜ୍ କା ଦମନ’ ଏବଂ ତାମିଲ୍ ଗୀତ ‘ରାଉଡି ବେବି’ ର ୧.୭ ବିଲିୟନ ଭ୍ୟୁ ହୋଇଛି । ଶୀର୍ଷ ତାଲିକାରେ ଥିବା ଅନ୍ୟାନ୍ୟ ଲୋକପ୍ରିୟ ଭାରତୀୟ ଭିଡିଓଗୁଡ଼ିକ ମଧ୍ୟରେ ‘ଜରୁରି ଥା, ୱାସ୍ତେ, ଲୌଙ୍ଗ ଲାଚି, ଲୁଟ୍ ଗୟେ, ଦିଲବର ଏବଂ ବମ୍ ବମ୍ ବୋଲେ’ ସାମିଲ୍ ରହିଛି । ଯଦି ବିଶ୍ୱସ୍ତରରେ କଥା କହିବା ତେବେ ତାଲିକାର ଶୀର୍ଷରେ ‘ବେବି ସାର୍କ ଡ୍ୟାନ୍ସ’ ‘ଡେସ୍ପାସିଟୋ’ , ‘ହ୍ୱିଲ୍ସ ଅନ୍ ଦ ବସ୍’ , ‘ବାଥ୍ ସଂଗ’ ଏବଂ ‘ଜନି ଜନି ୟେସ୍ ପାପା’ ଭଳି ଭିଡିଓ ରହିଛି ।