ମହାଲକ୍ଷ୍ମୀ ହତ୍ୟା ମାମଲାରେ ଆଶ୍ଚର୍ଯ୍ୟଜନକ ଖୁଲାସା
‘ଯଦି ମୁଁ ତାଙ୍କୁ ହତ୍ୟା କରି ନ ଥାଆନ୍ତି, ତେବେ ମହାଲକ୍ଷ୍ମୀ ମୋତେ ହତ୍ୟା କରିଥାନ୍ତେ’। ଗତ ମାସ ନିଜ ପ୍ରେମିକାଙ୍କୁ ଖଣ୍ଡ ଖଣ୍ଡ କରି ହତ୍ୟା କରିବା ପରେ ଆତ୍ମହତ୍ୟା କରିଥବା ପ୍ରେମିକ ଏପରି କହିଥିବା ଏବେ ଜାଣିବାକୁ ମିଳୁଛି। ଘଟଣା ଘଟିବାର ମାସେ ପରେ ମିଳିଥିବା ଏକ ହାତ ଲେଖା ନୋଟ୍ରୁ ଜାଣିବାକୁ ମିଳିଛି। ବେଙ୍ଗାଲୁରୁ ପୋଲିସ କମିଶନର କହିଛନ୍ତି ଯେ ଏହି ମାମଲାରେ ଚାର୍ଜସିଟ ଖୁବ ଶୀଘ୍ର ଦାଖଲ ହେବ।
ମୃତ୍ୟୁରଂଜନଙ୍କ ଆତ୍ମହତ୍ୟା ନୋଟକୁ ଅନୁବାଦ କରି ବେଙ୍ଗାଲୁରୁ ପୋଲିସକୁ ଦେଇଛି ଏବଂ ରଂଜନଙ୍କ ପୋଷ୍ଟ ମର୍ଟମ ରିପୋର୍ଟ ମଧ୍ୟ ପହଞ୍ଚିଛି। ଯେଉଁ ଅସ୍ତ୍ରରେ ରଂଜନ ମହାଲକ୍ଷ୍ମୀଙ୍କ ଶରୀରକୁ ଖଣ୍ଡ ଖଣ୍ଡ କରିଦେଇଥିଲେ ତାହା ଏପର୍ଯ୍ୟନ୍ତ ମିଳିପାରି ନାହିଁ, କିନ୍ତୁ ଭାୟାଲିକଲ ଅଞ୍ଚଳରେ ଏକ ଛୋଟ ଦୋକାନ ଚଳାଉଥିବା ମହିଳା ମୃତ୍ୟୁରଂଜନଙ୍କୁ ଚିହ୍ନିଛନ୍ତି ।ଯେଉଁଠାରୁ ସେ କଟର କିଣିଥିଲେ । ଆତ୍ମହତ୍ୟା ନୋଟରେ ମହାଲକ୍ଷ୍ମୀଙ୍କୁ ହତ୍ୟା କରିବାର କାରଣ ମଧ୍ୟ ରଂଜନ ଲେଖିଛନ୍ତି। ତାଙ୍କ କାହାଣୀ ବର୍ଣ୍ଣନା କରି ସେ କାହିଁକି ଏପରି ନିଷ୍ଠୁର ଅପରାଧ କଲେ ବୋଲି କହିଥିଲେ । ମହାଲକ୍ଷ୍ମୀଙ୍କୁ ଶେଷ ଥର ପାଇଁ ସେପ୍ଟେମ୍ବର ୧ ତାରିଖରେ ବେଙ୍ଗାଲୁରୁରେ ତାଙ୍କ କର୍ମକ୍ଷେତ୍ରରେ ଦେଖିବାକୁ ମିଳିଥିଲା। ସେହି ଦିନ ମଧ୍ୟ ତାଙ୍କ ଟିମ୍ର ମୁଖ୍ୟ ତଥା ପ୍ରେମିକ ମୁକ୍ତି ରଞ୍ଜନ ରୟଙ୍କୁ ଶେଷ ଥର ପାଇଁ ଦେଖିବାକୁ ମିଳିଥିଲା। ସପ୍ତାହେ ପରେ ପଡୋଶୀମାନେ ମହିଳାଙ୍କ ଘରୁ ଦୁର୍ଗନ୍ଧ ବାହାରୁଥିବା ଖବର ସମ୍ପର୍କୀୟଙ୍କୁ ଜଣାଇଥିଲେ।
ସେପ୍ଟେମ୍ବର ୨୧ରେ ଯେତେବେଳେ ୨୯ ବର୍ଷ ବୟସ୍କା ମହିଳାଙ୍କ ମାଆ ତାଙ୍କ ଘରେ ପହଞ୍ଚିଲେ, ସେତେବେଳେ ସେ ତାଙ୍କ ଝିଅକୁ ପାଇଲେ ନାହିଁ। ତାଙ୍କ ପ୍ରେମିକ ତାଙ୍କ ଶରୀରକୁ କାଟି ଫ୍ରିଜରେ ଭର୍ତ୍ତି କରି ୱାଶରୁମ୍ ଭିତରେ ରଖିଥିଲେ। ପୁଲିସ ସୂଚନା ଦେଇଥିଲା ଯେ ମହାଲକ୍ଷ୍ମୀଙ୍କ ପ୍ରେମିକ ତାଙ୍କୁ ହତ୍ୟା କରିବା ପରେ ତାଙ୍କ ଶରୀରକୁ ୫୦ରୁ ଅଧିକ ଖଣ୍ଡରେ କାଟି ଦେଇ ଫ୍ରିଜ୍ରେ ରଖିଥିଲେ।ପୁଲିସ୍ କିଛି ଦିନ ପରେ ଅଭିଯୁକ୍ତ ପ୍ରେମିକଙ୍କୁ ଭଦ୍ରକରୁ ଖୋଜି ପାଇଥିଲା। ମାତ୍ର ସେତବେଳକୁ ବହୁତ ବିଳମ୍ବ ହୋଇ ଯାଇଥିଲା। ପ୍ରେମିକ ମୁକ୍ତି ରଞ୍ଜନ ରୟ ସେତବେଳକୁ ନିଜ ଜୀବନ ହାରି ଦେଇଥିଲେ।
