ଦୁର୍ବଳ ହୋଇପଡ଼ିଛି ମାଓ ସଙ୍ଗଠନ । ଶାନ୍ତି ଚାହୁଁଛନ୍ତି ମାଓବାଦୀ ।

ହଠାତ୍ ବଦଳିଗଲା ମାଓବାଦୀଙ୍କ ସ୍ୱର । ଯେଉଁମାନେ ସରକାରଙ୍କ ବିରୋଧରେ ସଂଗ୍ରାମ ଆରମ୍ଭ କରିଥିଲେ, ସେମାନେ ଏବେ ଶାନ୍ତି ଆଲୋଚନା ପାଇଁ ଚିଠି ଲେଖିଛନ୍ତି । ଯୁଦ୍ଧ ବିରତି କରି ଶାନ୍ତି ବାର୍ତ୍ତ ଲାଗି ଆହ୍ୱାନ । ୨୪ ତାରିଖରେ ହାଇଦ୍ରାବାଦରେ ଅନୁଷ୍ଠିତ ବୈଠକରେ ନିଷ୍ପତ୍ତି ନିଆଯାଇଛି । ଅପରେଶନ କଗାର ଯୋଗୁ ଆଦିବାସୀଙ୍କ ବ୍ୟାପକ କ୍ଷୟକ୍ଷତି ଘଟୁଛି । ଅପରେଶନ କଗାର ମାଧ୍ୟମରେ ନରସଂହାର ବନ୍ଦ କରିବାକୁ ଦାବି ହୋଇଛି । ୪୦୦ରୁ ଉର୍ଦ୍ଧ୍ବ ସଂଗ୍ରାମୀ ମାଓବାଦୀ ପ୍ରାଣ ହରାଇଥିବା ବେଳେ ବହୁ ନୀରିହ ଆଦିବାସୀ ଜେଲ ଦଣ୍ଡ ଭୋଗୁଛନ୍ତି । ଫୋର୍ସ ପ୍ରତ୍ୟାହାର ସର୍ତ୍ତରେ ବାର୍ତ୍ତା ଲାଗି ପ୍ରସ୍ତୁତ ମାଓ ସଂଗଠନ । ତେବେ ନକ୍ସଲ ପ୍ରବଣ ଇଲାକା ଛତିଶଗଡ଼, ଓଡ଼ିଶା, ମଧ୍ୟପ୍ରଦେଶ, ତେଲଙ୍ଗାନା, ଝାରଖଣ୍ଡ ଏବଂ ମହାରାଷ୍ଟ୍ରରେ ଯବନଙ୍କ ଦ୍ୱାରା ଚାଲିଥିବା ଫାୟାରିଂ ଅପରେଶନକୁ ରୋକିବା ପାଇଁ ଚିଠିରେ ଉଲ୍ଲେଖ କରାଯାଇଛି ।ଛତିଶଗଡ଼, ଓଡ଼ିଶା ପ୍ରାନ୍ତ ସମେତ ଅନ୍ୟ ମାଓପ୍ରବଣ ଇଲାକାରୁ ଶତାଧିକ ମାଓବାଦୀ ନିହତ ହୋଇସାରିଥିବାବେଳେ ଅନେକ ଆତ୍ମସମର୍ପଣ କରିସାରିଛନ୍ତି । ଯାହାଫଳରେ ମାଓ ସଂଗଠନ ଏବେ ଦୁର୍ବଳ ହେବାରେ ଲାଗିଛି ।