ମୋଦୀଙ୍କ ପରେ ଯୋଗୀ ହେବେ ପିଏମ୍ ନା ରହିବେ ସିଏମ
ଲଗାତାର ତିନିଥର ହେଲାଣି ପ୍ରଧାନମନ୍ତ୍ରୀ ଅଛନ୍ତି ନରେନ୍ଦ୍ର ମୋଦୀ । ୨୦୧୪, ୨୦୧୯ ଏବଂ ୨୦୨୪ରେ ଭଲ ମାର୍ଜିନ୍ରେ ବିଜୟ ହୋଇଛି ଏନଡିଏ । ହେଲେ ଏବେ ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି କି ମୋଦୀ ପ୍ରଧାନମନ୍ତ୍ରୀ ପଦ ଛାଡ଼ିବେ ଓ ଯୋଗୀ ଏହି ପଦରେ ବସିବେ । ତେବେ ୨୦୨୭ରେ ଉତ୍ତରପ୍ରଦେଶ ନିର୍ବାଚନ ହେବାକୁ ଥିବା ବେଳେ ଏଥିରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପୁଣି ଉତ୍ତର ପ୍ରଦେଶର ଦାୟିତ୍ବ ନେବେ କି ନାହିଁ, ସେନେଇ ଲୋକସଭାରେ କିଛି ଏମିତି ମନ୍ତବ୍ୟ ରଖିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ |ଗତକାଲି କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସଂସଦରେ ଉତ୍ତର ପ୍ରଦେଶ ବିଧାନସଭା ନିର୍ବାଚନ ୨୦୨୭ ପାଇଁ ବିଜେପିର ଯୋଜନା ସ୍ପଷ୍ଟ କରିଛନ୍ତି । ଯେତେବେଳେ ଶାହ ୱାକଫ ସଂଶୋଧନ ବିଲ୍ ଉପରେ କହୁଥିଲେ, ସେତେବେଳେ ଉତ୍ତର ପ୍ରଦେଶ ସାଂସଦ ତଥା ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ଗୃହମନ୍ତ୍ରୀଙ୍କୁ ଯୋଗୀ ଆଦିତ୍ୟନାଥଙ୍କ ବିଷୟରେ ମଧ୍ୟ କିଛି କହିବାକୁ ତାଚ୍ଛଲ୍ୟ କରି କହିଥିଲେ । ଯାହାକୁ ନେଇ କିଛି ଏମିତି କହିଥିଲେ ଶାହ, ଯାହା ଅଖିଳେଶଙ୍କୁ ଚକିତ କରିଥିଲା ।
ଯେତେବେଳେ ଅଖିଳେଶ ଗୃହମନ୍ତ୍ରୀଙ୍କୁ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ବିଷୟରେ କହିବାକୁ କହି ଶାହଙ୍କ ଭାଷଣରେ ବାଧା ସୃଷ୍ଟି କରିଥିଲେ, ସେତେବେଳେ ଶାହ କହିଥିଲେ, ‘ଓ ଭି ରିପିଟ୍ ହୋନେ ୱାଲେ ହୈ (ତାଙ୍କୁ ବି ପୁନରାବୃତ୍ତି କରାଯିବ)। କିନ୍ତୁ ପ୍ରଧାନମନ୍ତ୍ରୀ ମୋଦୀ ନାଗପୁରରେ ଥିବା ଆରଏସଏସ ମୁଖ୍ୟାଳୟକୁ ଗସ୍ତ କରିବା ପରେ ଏହି ଚର୍ଚ୍ଚା ଜୋର୍ ଧରିଛି । ଶିବସେନା (ୟୁବିଟି) ନେତା ସଞ୍ଜୟ ରାଉତ ଦାବି କରିଛନ୍ତି ଯେ ବିଜେପିର ଆଦର୍ଶଗତ ପରାମର୍ଶଦାତା ଆରଏସଏସ ଚାହୁଁଛି ଯେ ପ୍ରଧାନମନ୍ତ୍ରୀ ମୋଦୀ ସେପ୍ଟେମ୍ବର ସୁଦ୍ଧା ପଦ ଛାଡି ଦିଅନ୍ତୁ ଏବଂ ନୂତନ ନେତୃତ୍ୱ ପାଇଁ ସ୍ଥାନ ଦିଅନ୍ତୁ । ଆଉ ମୋଦୀଙ୍କ ପରେ ଯୋଗୀଙ୍କ ନା ପିଏମ ପାଇଁ ସର୍ବାଧିକ ଚର୍ଚ୍ଚାରେ ରହିଛି । ତେବେ ଭବିଷ୍ୟତରେ କଣ ହେବ ତାହାକୁ ଅପେକ୍ଷା |
