ଲଞ୍ଚ ହେଲା ୩ଟି ସିମ୍ ପଡିପାରୁଥିବା ଫୋନ୍
ଆଜିକାଲି ଉପଲବ୍ଧ ଅଧିକାଂଶ ସ୍ମାର୍ଟଫୋନ ବା ଫୋନରେ ଦୁଇଟି ସିମ୍ ପଡିପାରୁଛି। ହେଲେ ବର୍ତ୍ତମାନ ଭାରତୀୟ ବଜାରରେ ଏକ ଏଭଳି ଫୋନ ଲଞ୍ଚ ହୋଇଛି, ଯେଉଁଥିରେ ୩ଟି ସିମ୍ କାର୍ଡ ବ୍ୟବହାର ହୋଇପାରିବ। ଏହି ଫେସ୍କୁ ସ୍ମାର୍ଟଫୋନ ମେକର କମ୍ପାନୀ itel ପକ୍ଷରୁ ଲଞ୍ଚ କରାଯାଇଛି। ଫୋନର ନାମ itel King Signal । ଚୀନର ମୋବାଇଲ ନିର୍ମାତା କମ୍ପାନି ଆଇଟେଲ ଏହି ଅଭିନବ ଫିଚର ଫୋନକୁ ଭାରତରେ ଲଞ୍ଚ କରିଛି, ଯାହା ଗ୍ରାମାଞ୍ଚଳ ଓ ନେଟୱାର୍କ ସମସ୍ୟା ଥିବା ଅଞ୍ଚଳର ଲୋକଙ୍କ ପାଇଁ ଏକ ବରଦାନ ସାବ୍ୟସ୍ତ ହେବ।ଆଇଟେଲ କିଙ୍ଗ ସିଗନାଲର ସବୁଠାରୁ ବଡ଼ ବିଶେଷତ୍ୱ ହେଉଛି ଏହାର ସିଲଭର-ପ୍ଲେଟେଡ ସିଗନାଲ ଏନହାନ୍ସମେଣ୍ଟ ଟେକ୍ନୋଲୋଜି। ଏହି ଟେକ୍ନୋଲୋଜି ଲୋ-ନେଟୱାର୍କ କଭରେଜ ଅଞ୍ଚଳରେ ୫୧୦% ଲମ୍ବା କଲ୍ ଅବଧି ଏବଂ ୬୨% ଦ୍ରୁତ କନେକ୍ଟିଭିଟି ପ୍ରଦାନ କରିଥାଏ। ଏହାର ଅର୍ଥ ହେଉଛି ଗ୍ରାମାଞ୍ଚଳ କିମ୍ବା ଦୁର୍ଗମ ସ୍ଥାନରେ ମଧ୍ୟ ଏହି ଫୋନ ସ୍ଥିର ଓ ନିର୍ଭରଯୋଗ୍ୟ ନେଟୱାର୍କ ସେବା ଦେବ। କମ୍ପାନୀ ପକ୍ଷରୁ itel King Signalକୁ ୧୩୯୯ ଟଙ୍କାରେ ଲଞ୍ଚ କରାଯାଇଛି। ଏହି କମ୍ପାନୀ ଅନେକ ସାରା କଲର ଅପସନ ସହ ଲଞ୍ଚ କରିଛି, ଯେଉଁଥିରେ ଆର୍ମି ଗ୍ରୀନ, ବ୍ଲାକ ଏବଂ ପର୍ପଲ ରେଡ ସାମିଲ ଅଛି।
କମ୍ପାନୀ ଏହି ଫିଚର ଫୋନରେ ଗ୍ରାହକଙ୍କୁ ୧୩ ମାସର ୱାରେଣ୍ଟି ଅଫର କରୁଛି। ଏଥିସହ ୧୧୧ ଦିନ ମଧ୍ୟରେ କମ୍ପାନୀ ଗ୍ରାହକଙ୍କୁ ବିନା କୌଣସି ପ୍ରଶ୍ନର ଫ୍ରୀ ରିପ୍ଲେସମେଣ୍ଟ ଗ୍ୟାରେଣ୍ଟି ଦେଉଛି।
