ରାମ ନବମୀ ପୂର୍ବରୁ କଟକ ସହରରେ ଫ୍ଲାଗ ମାର୍ଚ୍ଚ

ରାମନବମୀ ପାଇଁ କଟକ ସହରରେ ପୋଲିସ ଫ୍ଲାଗ୍ ମାର୍ଚ୍ଚ କରିଛି । ଡିସିପିଙ୍କ ନେତୃତ୍ବରେ ଦୁଇଟି ଆଇଆରବି ବାଟାଲିୟନ ଜବାନ ଓ ଓଏସଏପି ଷଷ୍ଠ ବାଟାଲିୟନ ଜବାନଙ୍କ ସହ ଅତିରିକ୍ତ ଡିସିପି, ସବୁ ଜୋନର ଏସିପି ଓ ସବୁ ଥାନାର ଆଇଆଇସି ମାନେ ଏହି ଫ୍ଲାଗ୍ ମାର୍ଚ୍ଚରେ ସାମିଲ ହୋଇଥିଲେ । ଚୌଧୁରୀ ବଜାରରୁ ବାହାରି ଝୋଲା ସାହି, ଦୋଳ ମୁଣ୍ଡେଇ, ରାଣୀହାଟ, ମଙ୍ଗଳାବାଗ,ବକ୍ସି ବଜାର ଦେଇ ସହର ପରିକ୍ରମା କରିଛିନ୍ତି ।
ସୁରକ୍ଷା ଦୃଷ୍ଟିରୁ ଆସନ୍ତାକାଲି ସହରରେ ମୋଟ ୨୫ ପ୍ଲାଟୁନ ପୋଲିସ ଫୋର୍ସ ନିୟୋଜିତ ହେବେ । ଆଜି ରାତିରୁ ପାଟ୍ରୋଲିଂ କଡାକଡି କରିବ କମିଶନରେଟ ପୋଲିସ । ଶାନ୍ତି ଶୃଙ୍ଖଳା ରକ୍ଷା କ୍ଷେତ୍ରରେ ସମସ୍ତଙ୍କୁ ସହଯୋଗ କରିବା ପାଇଁ ଅପିଲ କରିଛନ୍ତି କଟକ ଡିସିପି ।