୧୦ ଟଙ୍କିଆ ମୁଦ୍ରା ଅସଲି କି ନକଲି ! କେମିତି ଜାଣିବେ?

ବଜାରରେ ଏବେ ଦୁଇ ପ୍ରକାରର ୧୦ ଟଙ୍କା ମୁଦ୍ରା ଚାଲୁଥିବାର ଜଣାପଡିଛି। ଏଥିରେ ଗୋଟିଏ ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ମୁଦ୍ରିତ ୧୦ ଟଙ୍କା ମୁଦ୍ରା ହୋଇଥିବା ବେଳେ ଅନ୍ୟଟି ନକଲୀ। ଆରବିଆଇ ପ୍ରାୟତଃ ୧୦ ଟଙ୍କିଆ ମୁଦ୍ରା ସମ୍ପର୍କିତ ସୂଚନା ଦେଇ ଆସୁଛନ୍ତି। ଏହା ସତ୍ତ୍ୱେ ଲୋକଙ୍କ ମନରେ ୧୦ ଟଙ୍କା କଏନକୁ ନେଇ ଦ୍ୱନ୍ଦ୍ୱ ରହୁଛି। ଲୋକେ ୧୦ ଟଙ୍କା ମୁଦ୍ରା ଉପରେ ପଡିଥିବା ଗାରକୁ ନେଇ ପ୍ରାୟ ଦ୍ୱନ୍ଦ୍ୱରେ ରୁହନ୍ତି। ଏ ନେଇ ଲୋକେ ନିଜ ଥିଓରି ନିଜେ ତିଆରି କରିଛନ୍ତି। ସେହି ଅନୁସାରେ ଯେଉଁ ମୁଦ୍ରାରେ ୧୦ଟି ଗାର ତାହା ଅସଲି ବୋଲି ସେମାନେ କହୁଛନ୍ତି।

ସେହିପରି ଯେଉଁ ମୁଦ୍ରାରେ ଟଙ୍କାର ଚିହ୍ନ ରହୁଛି ତାହା ହିଁ ଅସଲି ବୋଲି କହୁଛନ୍ତି। ମୁଦ୍ରାକୁ ନେଇ ଲୋକଙ୍କ ଦ୍ୱନ୍ଦ୍ୱ ଦୂର କରିବା ପାଇଁ ଆରବିଆଇ ନୋଟ୍ ଜାରି କରିଛନ୍ତି। ଏହି ପ୍ରେସ୍ ନୋଟ୍ ଆପଣଙ୍କୁ ଆରବିଆଇ ୱେବସାଇଟରେ ମିଳିଯିବ। ଯଦି କେହି ମୁଦ୍ରା ନେବାକୁ ମନା କରୁଛନ୍ତି, ତେବେ ତାଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ମଧ୍ୟ ହୋଇ ପାରିବ। ଆପଣ ଆରବିଆଇଙ୍କ ଟୋଲ ଫ୍ରିନମ୍ବର ୧୪୪୦ରେ କଲ କରି ମୁଦ୍ରା ସମ୍ପର୍କରେ ଅଧିକ ବିବରଣୀ ପାଇ ପାରିବେ। କଲ ମାଧ୍ୟମରେ ଆପଣଙ୍କୁ ୧୦ ଟଙ୍କା ମୁଦ୍ରା ସମ୍ପର୍କରେ ବିସ୍ତୃତ ତଥ୍ୟ ଦେଇଦିଆଯିବ।ଆରବିଆଇ ୧୦ଟଙ୍କା ମୁଦ୍ରାର ୧୪ ପ୍ରକାର ଡିଜାଇନ ସମ୍ପର୍କରେ ସୂଚିତ କରିଛନ୍ତି। ଆରବିଆଇ କହିଛନ୍ତି ମାର୍କେଟରେ ଅନେକ ପ୍ରକାରର ୧୦ ଟଙ୍କା ମୁଦ୍ରା ପ୍ରଚଳିତ ହେଉଛି। ଏଣୁ ପ୍ରତ୍ୟେକ ମୁଦ୍ରା ଠିକ ବୋଲି ଆରବିଆଇ କହିଛନ୍ତି।