ହଂସରାଜ ହଂସଙ୍କ ପତ୍ନୀ ରେଶମ କୌରଙ୍କ ଦେହାନ୍ତ

ଲୋକପ୍ରିୟ ଗାୟକ ହଂସରାଜ ହଂସଙ୍କ ଉପରେ ଦୁଃଖର ପାହାଡ଼ ଭାଙ୍ଗିଛି। ତାଙ୍କ ପତ୍ନୀ ରେଶମ କୌରଙ୍କ ଦେହାନ୍ତ ହୋଇଯାଇଛି। ସେ ବହୁତ ଦିନ ଧରି ଅସୁସ୍ଥ ଥିଲେ। ରେଶମଙ୍କ ବିୟୋଗରେ ତାଙ୍କ ପରିବାରରେ ଶୋକର ଛାୟା ଖେଳିଯାଇଛି । ଏହି ଦୁଃଖଦ ମୂହୁର୍ତ୍ତରେ ସମ୍ପର୍କୀୟଙ୍କ ସୁଅ ଛୁଟିଛି।

ହଂସରାଜଙ୍କ ପତ୍ନୀ ରେଶମ କୌର ୫ଦିନ ଧରି ଅସୁସ୍ଥ ଥିଲେ । ଚିକିତ୍ସା ନିମନ୍ତେ ଜଳନ୍ଧରର ଟାଗୋର ହସ୍ପିଟାଲରେ ତାଙ୍କୁ ଭର୍ତ୍ତି କରାଯାଇଥିଲା । ବୁଧବାର ପ୍ରାୟ ଦିନ ୧ଟା ସମୟରେ ଶେଷ ନିଃଶ୍ୱାସ ତ୍ୟାଗ କରିଥିଲେ ରେଶମ । ତାଙ୍କର କିଛି ଦିନ ପୂର୍ବରୁ ହୃଦଘାତ ଭଳି ସମସ୍ୟା ଦେଖାଦେଇଥିଲା । ତାଙ୍କ ସୁସ୍ଥ ଜୀବନ ପାଇଁ ଡାକ୍ତରମାନେ ମଧ୍ୟ ଅନେକ ପ୍ରଚେଷ୍ଟା କରିଥିଲେ । କିନ୍ତୁ ଶେଷରେ ଡାକ୍ତର ବିଫଳ ହୋଇଥିଲେ ।ହଂସରାଜ ହଂସଙ୍କ ପ୍ରଶଂସକମାନେ ସୋସିଆଲ ମିଡିଆରେ ସେମାନଙ୍କର ଦୁଃଖ ପ୍ରକାଶ କରୁଛନ୍ତି।