ରାତାରାତି ବଦଳିଗଲା କଟକରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିର ରଙ୍ଗ

କଟକରେ ଥିବା ଓଡି଼ଶାର ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତିର ରଙ୍ଗ ଆଶ୍ଚର୍ଯ୍ୟଜନକ ଭାବେ କେହି ବଦଳାଇ ଦେଇଛନ୍ତି। ବିଜୁ ବାବୁଙ୍କର ଏହି ପ୍ରତିମୂର୍ତ୍ତି ସହରର ମହାନଦୀ ବିହାର ସ୍ଥିତ ମଙ୍ଗଳା ମନ୍ଦିର ଛକ ନିକଟରେ ରହିଛି। ତେବେ ବିଜେପି ରାଜ୍ୟରେ କ୍ଷମତାକୁ ଆସିବା ପରେ ଅନେକ ଜିନିଷର ରଙ୍ଗରେ ପରିବର୍ତ୍ତନ କରିଛି। ସରକାରକୁ ଆସିବା ପରେ ମୋହନ ସରକାର ମୋ ବସ୍, ସ୍କୁଲ କୋଠା, ସ୍କୁଲ ଡ୍ରେସ୍ ପ୍ରଭୃତିର ରଙ୍ଗ ବଦଳେଇବା ନେଇ ଅଭିଯୋଗ ଉଠିଛି।ଏହାକୁ ବିରୋଧୀମାନେ ସମାଲୋଚନା କରୁଛନ୍ତି। ବିରୋଧୀ ସବୁବେଳେ କହି ଆସିଛନ୍ତି, ମୋହନ ସରକାର ନୂଆ ଯୋଜନା ନକରି, କେବଳ ବିଜେଡି ସରକାର ଅମଳର ପୁରୁଣା ଯୋଜନାକୁ ନାଁ ଓ ରଙ୍ଗ ବଦଳାଇବାରେ ବ୍ୟସ୍ତ ଅଛି।ସ୍ଥାନୀୟ ଲୋକମାନଙ୍କ କହିବା ଅନୁସାରେ ପୂର୍ବରୁ ଏହା ସବୁଜ ରଙ୍ଗର ଥିବାବେଳେ ବର୍ତ୍ତମାନ ଏହାକୁ ଗୋଲ୍ଡେନ ହଳଦିଆ ରଙ୍ଗ କରି ଦିଆଯାଇଛି। ତେବେ ଏହିପରି ରଙ୍ଗ ପରିବର୍ତ୍ତନ କିଏ ଓ କାହିଁକି କରିଛି ତାହା ଏପର୍ଯ୍ୟନ୍ତ ଜଣାପଡିନାହିଁ।