ଶ୍ରୀମନ୍ଦିରରେ ଆଜି ୩ ଘଣ୍ଟା ପାଇଁ ମହାପ୍ରଭୁଙ୍କ ଦର୍ଶନ ବନ୍ଦ ରହିବ

ଶ୍ରୀମନ୍ଦିରରେ ଆଜି ୩ ଘଣ୍ଟା ପାଇଁ ବନ୍ଦ ରହିବ ସର୍ବସାଧାରଣ ଦର୍ଶନ। ଦିବା ପହୁଡ଼ ନୀତି ପାଇଁ ଅପରାହ୍ନ ୪ଟାରୁ ସନ୍ଧ୍ୟା ୭ଟା ପର୍ଯ୍ୟନ୍ତ ଭକ୍ତମାନେ ମହାପ୍ରଭୁଙ୍କ ଦର୍ଶନ କରିପାରିବେ ନାହିଁ।ଶ୍ରୀମନ୍ଦିରରେ ନିର୍ଦ୍ଧାରିତ ନୀତିକାନ୍ତି ଅନୁଯାୟୀ ଦିବା ପହୁଡ଼ ନୀତି ସମ୍ପନ୍ନ ହେବ। ଏହି ସମୟରେ ସାଧାରଣ ଭକ୍ତଙ୍କ ପାଇଁ ଦର୍ଶନ ବନ୍ଦ ରହିବ। ସନ୍ଧ୍ୟା ୭ଟା ପରେ ପୁନର୍ବାର ସାଧାରଣ ଦର୍ଶନ ସ୍ୱାଭାବିକ ହେବାର ସୂଚନା ରହିଛି।ମହାକାର୍ତ୍ତିକ ମାସରେ ନୀତି ବହୁଳତା ଓ ଭକ୍ତଙ୍କ ଭିଡ଼ ଯୋଗୁଁ ନିୟମିତ ଦିବା ପହୁଡ଼ ନୀତି ହୋଇପାରୁନାହିଁ। ତେବେ ଆଜି ପାଗ ଅନୁକୂଳ ନ ଥିବା ସହ ଭକ୍ତଙ୍କ ଭିଡ଼ କମ୍ ଥିବାରୁ ଏହି ନୀତି ଅନୁଷ୍ଠିତ ହେବ। ଏ ନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।