ବିଜୟଙ୍କ ଆଫେୟାର୍ସକୁ ନେଇ ବାପା-ପୁଅଙ୍କ ମଧ୍ୟରେ ଫାଟ

ପୁଣି ଥରେ ବିବାହ ଛାଡ଼ପତ୍ର ଏବଂ ପ୍ରେମ ସମ୍ପର୍କକୁ ନେଇ ଚର୍ଚ୍ଚାରେ ଥାଲାପତି ବିଜୟ। ପ୍ରେମ ସମ୍ପର୍କକୁ ନେଇ ଚାଲିଥିବା ଗୁଜବକୁ ନେଇ ସତ କହିଦେଲେ ପୁଅ। ଯେଉଁ ଖବର ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି। ଥାଲାପତି ବିଜୟଙ୍କ ହାତ ଛାଡିଲେ ପୁଅ।ଥଲାପତି ବିଜୟଙ୍କ ପୁଅ ଜସନ ସଞ୍ଜୟ ତାଙ୍କ ନାମରେ ଏକ ବଡ଼ ପରିବର୍ତ୍ତନ କରିଛନ୍ତି। ପୂର୍ବରୁ ତାଙ୍କର ନାମ କେବଳ ଜସନ ସଞ୍ଜୟ ଥିଲା; କିନ୍ତୁ, ସେ ଏବେ ଏହାକୁ ଜସନ ସଞ୍ଜୟ ଏସ୍ ବଦଳାଇ ଦେଇଛନ୍ତି। ଏଠାରେ, ‘S’ ତାଙ୍କ ପିତାଙ୍କ ନାମ ବଦଳରେ ତାଙ୍କ ମାଆ ସଙ୍ଗୀତାକୁ ବୁଝାଉଛି। ଏହି ପରିବର୍ତ୍ତନ ଲୋକମାନଙ୍କୁ ଆଶ୍ଚର୍ଯ୍ୟ କରିଛି। ଅନେକ ବିଶ୍ୱାସ କରନ୍ତି ଯେ ଏହା ତାଙ୍କ ମାଆଙ୍କ ସପୋର୍ଟ କରିବାର ଉପାୟ।ରିପୋର୍ଟ ଅନୁଯାୟୀ, ବିଜୟଙ୍କ ପତ୍ନୀ ସଙ୍ଗୀତା 2025 ମସିହାରେ ଛାଡପତ୍ର ପାଇଁ ଆବେଦନ କରିଥିଲେ ବୋଲି ଅଭିଯୋଗ ହୋଇଛି। ଏହି ଖବର ଭାଇରାଲ ହେବା ପରେ, ଏହା ପ୍ରଶଂସକଙ୍କ ମଧ୍ୟରେ ବ୍ୟାପକ କଳ୍ପନାଜଳ୍ପନା ସୃଷ୍ଟି କରିଥିଲା, ଯାହା ଫଳରେ ତାଙ୍କ ନାମ ଅଭିନେତ୍ରୀ ତ୍ରିଶା କୃଷ୍ଣନଙ୍କ ସହିତ ଯୋଡି ହୋଇଥିବା ଗୁଜବ ସୃଷ୍ଟି ହୋଇଥିଲା। ମାତ୍ର ଏହି ବ୍ୟକ୍ତିଗତ ବିବାଦ ମଧ୍ୟରେ, ତାଙ୍କ ପୁଅ ଜାସନ ସଞ୍ଜୟଙ୍କ ସହ ଜଡିତ ଏକ ଘଟଣା ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି।