ଏୟାର ଇଣ୍ଡିଆ ବିମାନକୁ ଅପହରଣ ଧମକ, ଟଏଲେଟ୍ରୁ ମିଳିଲା ଧମକପୂର୍ଣ୍ଣ ଚିଠି
କୋଲକାତା ବିମାନବନ୍ଦରରେ ଏୟାର ଇଣ୍ଡିଆର ଏକ ବିମାନକୁ ନେଇ ହାଇଜାକ୍ ଆଲର୍ଟ ଜାରି । ବୁଧବାର ସକାଳେ କୋଲକାତାରୁ ମୁମ୍ବାଇ ଯିବାକୁ ଥିବା ଏୟାର ଇଣ୍ଡିଆର ଏକ ବିମାନକୁ ଧମକ ମିଳିବା ପରେ ବିମାନବନ୍ଦରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।ବିମାନର ଟଏଲଟରେ ଅପହରଣ ଧମକ ସମ୍ପର୍କିତ ଏକ ଲେଖାଯାଇଥିବା ଦେଖିବାକୁ ମିଳିଥିଲା। ରିପୋର୍ଟ ଅନୁଯାୟୀ, ବିମାନଟି ଉଡ଼ାଣ ପାଇଁ ପ୍ରସ୍ତୁତ ହେଉଥିଲା ଯେତେବେଳେ ଏହି ମେସେଜକୁ ନଜରକୁ ଆସିଥିଲା। ଘଟଣା ବିଷୟରେ ଜାଣିବା ପରେ, ପାଇଲଟ୍ କୌଣସି ସମ୍ଭାବ୍ୟ ବିପଦକୁ ଏଡାଇବା ପାଇଁ ଏୟାର ଟ୍ରାଫିକ୍ କଣ୍ଟ୍ରୋଲ (ATC)କୁ ସତର୍କ କରାଇ ଦେଇଥିଲେ।ଏହା ପରେ, ବିମାନକୁ ଏକ ଆଇସୋଲେସନ୍ ବେକୁ ସ୍ଥାନାନ୍ତରିତ କରାଯାଇଥିଲା, ଯେଉଁଠାରେ କେନ୍ଦ୍ରୀୟ ଶିଳ୍ପ ସୁରକ୍ଷା ବଳ (CISF) ଏବଂ ବିମାନବନ୍ଦରର ସ୍ୱତନ୍ତ୍ର ସୁରକ୍ଷା ଅଧିକାରୀମାନେ ତଦନ୍ତ ଆରମ୍ଭ କରିଛନ୍ତି। ବିମାନ ଭିତରେ ଏପର୍ଯ୍ୟନ୍ତ କୌଣସି ସନ୍ଦେହଜନକ ଜିନିଷ ମିଳିନାହିଁ। ତେବେ ବିମାନରେ ମୋଟ୍ ୧୪୭ ଜଣ ଯାତ୍ରୀ ରହିଥିଲେ । ଆଲର୍ଟ ମିଳିବା ପରେ ସମସ୍ତ ଯାତ୍ରୀ ଏବଂ କ୍ରୁ ସଦସ୍ୟଙ୍କୁ ବିମାନରୁ ଓହ୍ଲାଇ ଦିଆଯାଇଥିଲା ।