ଗଣିଆର ବିଭିନ୍ନ ମନ୍ଦିରରେ ମହାପ୍ରଭୁଙ୍କ ଆଡପ ଦର୍ଶନ କଲେ ଭକ୍ତ
ଗଣିଆ -( ବିଶ୍ୱରଂଜନ ସେଠି )ଗଣିଆସ୍ଥିତ ପ୍ରସିଦ୍ଧ ଗୁଣ୍ଡିଚା ମନ୍ଦିର (ମଉସୀମା’ ମନ୍ଦିର)ରେ ଶ୍ରୀଜୀଉମାନଙ୍କର ପବିତ୍ର ଆଡ଼ପ ଦର୍ଶନ ଅନୁଷ୍ଠିତ ହୋଇଯାଇଛି। ରଥଯାତ୍ରାରେ ମହାପ୍ରଭୁ ଜଗନ୍ନାଥ, ବଳଭଦ୍ର, ମା’ ସୁଭଦ୍ରା ଓ ପ୍ରଭୁ ସୁଦର୍ଶନ ରଥାରୂଢ଼ ହୋଇ ଗୁଣ୍ଡିଚା ମନ୍ଦିରକୁ ବିଜେ କରିବା ପରେ ଗଣିଆ ଅଞ୍ଚଳରେ ଏହି ଭାବମୟ ପରିବେଶ ସୃଷ୍ଟି ହୋଇଛି।
ଆଡ଼ପ ଦର୍ଶନର ମାହାତ୍ମ୍ୟ
ଶାସ୍ତ୍ର ଓ ଲୋକପ୍ରବାଦ ଅନୁସାରେ, ଗୁଣ୍ଡିଚା ମନ୍ଦିରର ଆଡ଼ପ ମଣ୍ଡପରେ ମହାପ୍ରଭୁଙ୍କୁ ଦର୍ଶନ କରିବା ଦ୍ୱାରା କୋଟି ଜନ୍ମର ପୁଣ୍ୟ ପ୍ରାପ୍ତ ହୋଇଥାଏ।
”ଶ୍ରୀଗୁଣ୍ଡିଚା ମଣ୍ଡପେ ଦୃଷ୍ଟ୍ୱା ପ୍ରଣମେଦ୍ ଜଗନ୍ନାଥମ୍,
ଅଶ୍ୱମେଧ ସହସ୍ରସ୍ୟ ଫଳଂ ପ୍ରାପ୍ନୋତି ମାନବଃ॥”
ହିଁ ପ୍ରମୁଖ ଆକର୍ଷଣ ଓ କାର୍ଯ୍ୟକ୍ରମ। ଗୁଣ୍ଡିଚା ମନ୍ଦିରର ସ୍ୱାଦିଷ୍ଟ ଆଡ଼ପ ଅବଢ଼ା (ମହାପ୍ରସାଦ) ପାଇବା ପାଇଁ ଶ୍ରଦ୍ଧାଳୁଙ୍କ ପ୍ରବଳ ଭିଡ଼ ଜମିଥିଲା।
ସ୍ଥାନୀୟ ପୋଲିସ ପ୍ରଶାସନ ଓ ମନ୍ଦିର କମିଟି ପକ୍ଷରୁ ଭକ୍ତଙ୍କ ଶୃଙ୍ଖଳିତ ଦର୍ଶନ ପାଇଁ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
ମନ୍ଦିର ପ୍ରାଙ୍ଗଣରେ ହରିବୋଲ, ହୁଳହୁଳି, ସଂକୀର୍ତ୍ତନ ଓ ଜୟ ଜଗନ୍ନାଥ ଧ୍ୱନିରେ ଗଣିଆ ଆଞ୍ଚଳିକ ପରିବେଶ ମୁଖରିତ ହୋଇଉଠିଛି। ହଜାର ହଜାର ଭକ୍ତ ଶ୍ରୀଜୀଉଙ୍କ ଦିବ୍ୟ ରୂପକୁ ଦର୍ଶନ କରି ନିଜକୁ ଧନ୍ୟ ମନେକରିବା ସହ ଶାନ୍ତି ଓ ସମୃଦ୍ଧି ପାଇଁ ପ୍ରାର୍ଥନା କରିଛନ୍ତି। ଏଇ ପରିପ୍ରେକ୍ଷୀରେ ଭଜନ ସମାରୋହ କାଯ୍ୟକ୍ରମ ଅନୁଷ୍ଠିତ ହୋଇଥିଲା ।