ପାଇରେଟେଡ୍ ଫିଲ୍ମ ଏବଂ OTT କଣ୍ଟେଣ୍ଟ ତୁରନ୍ତ ହଟାଇବାକୁ ’ଟେଲିଗ୍ରାମ’ କୁ କେନ୍ଦ୍ର ସରକାରଙ୍କ ନୋଟିସ

ମେସେଜିଂ ପ୍ଲାଟଫର୍ମ ଟେଲିଗ୍ରାମରେ ସିନେମା ଏବଂ OTT ପ୍ଲାଟଫର୍ମରୁ ପାଇରେଟେଡ୍ ବିଷୟବସ୍ତୁ ପ୍ରସାରଣକୁ ନେଇ କେନ୍ଦ୍ର ସରକାର କଠୋର ଆଭିମୁଖ୍ୟ ଗ୍ରହଣ କରିଛନ୍ତି । । ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ମେସେଜିଂ ପ୍ଲାଟଫର୍ମ ଟେଲିଗ୍ରାମକୁ ଏକ ନୋଟିସ ଜାରି କରି ଏହାକୁ ଏହାର ପ୍ଲାଟଫର୍ମରୁ ବେଆଇନ ଏବଂ ପାଇରେଟେଡ୍ ବିଷୟବସ୍ତୁକୁ ତୁରନ୍ତ ହଟାଇବା ପାଇଁ କଠୋର ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛି।ଏଥିସହ ମନ୍ତ୍ରଣାଳୟ ଟେଲିଗ୍ରାମକୁ ୧୫ ଦିନ ମଧ୍ୟରେ ଏକ କାର୍ଯ୍ୟାନୁଷ୍ଠାନ ରିପୋର୍ଟ ଦାଖଲ କରିବାକୁ କହିଛି । ଏହି ରିପୋର୍ଟରେ ନୋଟିସ୍ ପାଇବା ପରଠାରୁ ପାଇରେସି ରୋକିବା ପାଇଁ ନିଆଯାଇଥିବା ପଦକ୍ଷେପଗୁଡିକ ବିସ୍ତୃତ ବିବରଣୀ ରହିବ । OTT ବିଷୟବସ୍ତୁର ଅବୈଧ ଅନଲାଇନ୍ ପ୍ରସାରଣ ଏବଂ ଚଳଚ୍ଚିତ୍ରଗୁଡ଼ିକର ଅବୈଧ କପି ଚଳଚ୍ଚିତ୍ର ଶିଳ୍ପ, ଟିଭି ପ୍ରସାରଣକାରୀ, OTT ପ୍ଲାଟଫର୍ମ, ଫିଲ୍ମ ପ୍ରଡ୍ୟୁସର ଏବଂ ଡିଷ୍ଟ୍ରିବ୍ୟୁଟରକମାନଙ୍କୁ ଯଥେଷ୍ଟ ଆର୍ଥିକ କ୍ଷତି ପହଞ୍ଚାଏ । ତେଣୁ କପିରାଇଟ୍ ନିୟମ ଉଲ୍ଲଂଘନ କରୁଥିବା ବିଷୟବସ୍ତୁ ବିରୋଧରେ କଠୋର କାର୍ଯ୍ୟାନୁଷ୍ଠାନ ଜରୁରୀ । ଯାହା ଅନଲାଇନ୍ ପାଇରେସି ଦ୍ୱାରା ହେଉଥିବା କ୍ଷତିକୁ ରୋକିବାର ଉଦ୍ଦେଶ୍ୟ । ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ମନ୍ତ୍ରଣାଳୟ (MeitY) ଏହି ବୈଶିଷ୍ଟ୍ୟ ବିଷୟରେ ସୂଚନା ମାଗିବା ପାଇଁ ଟେଲିଗ୍ରାମ ଏବଂ ସିଗନାଲକୁ ନୋଟିସ୍ ପଠାଇଛି।