ଅର୍ଥନୀତିରେ ରବର୍ଟ ହଲ୍ ଓ ମାଇକେଲ୍ ଉଡଫୋର୍ଡଙ୍କୁ ମିଳିବ ନୋବେଲ ପୁରସ୍କାର

ଅର୍ଥନୀତିରେ ୨୦୨୬ ନୋବେଲ୍ ପାଇଁ ରବର୍ଟ ହଲ୍ ଓ ମାଇକେଲ୍ ଉଡଫୋର୍ଡଙ୍କ ନାଁ ଘୋଷଣା । ଅର୍ଥନୀତି କ୍ଷେତ୍ରରେ ୨୦୨୬ ବର୍ଷ ପାଇଁ ନୋବେଲ୍ ସ୍ମାରକୀ ପୁରସ୍କାର ଘୋଷଣା କରାଯାଇଥିବା ସୂଚନା ମିଳିଛି । ଆମେରିକୀୟ ଅର୍ଥନୀତିଜ୍ଞ ରବର୍ଟ ଇ. ହଲ୍ ଏବଂ ମାଇକେଲ୍ ଉଡଫୋର୍ଡଙ୍କୁ ମିଳିତ ଭାବେ ଏହି ସମ୍ମାନ ପାଇଁ ଚୟନ କରାଯାଇଛି । ସାମଗ୍ରିକ ଅର୍ଥନୀତିକୁ ସ୍ଥିର ରଖିବା ପାଇଁ କ୍ଷୁଦ୍ର ଅର୍ଥନୈତିକ ନିଷ୍ପତ୍ତିର ଭୂମିକା ସମ୍ପର୍କିତ ଗବେଷଣା ପାଇଁ ଉଭୟଙ୍କୁ ଏହି ପୁରସ୍କାର ଦିଆଯାଉଛି ।ବିଶ୍ୱର ବିଭିନ୍ନ ଦେଶ ମୁଦ୍ରାସ୍ଫୀତି, ଆର୍ଥିକ ମାନ୍ଦାବସ୍ଥା ଏବଂ ଅର୍ଥନୈତିକ ଅନିଶ୍ଚିତତାର ସମ୍ମୁଖୀନ ହେଉଥିବା ବେଳେ ଏହି ଦୁଇ ଅର୍ଥନୀତିଜ୍ଞଙ୍କ ଗବେଷଣା ବେଶ୍ ଗୁରୁତ୍ୱପୂର୍ଣ୍ଣ ସାବ୍ୟସ୍ତ ହୋଇଛି। ଉଭୟଙ୍କ ଗବେଷଣା ମୁଖ୍ୟତଃ ବୃହତ୍ ଅର୍ଥନୀତିର ସ୍ଥିରତା ଏବଂ ଏହାର ସୂକ୍ଷ୍ମ ଅର୍ଥନୈତିକ ଭିତ୍ତିଭୂମି ଉପରେ ଆଧାରିତ। ରବର୍ଟ ହଲ୍ ଏବଂ ମାଇକେଲ୍ ଉଡଫୋର୍ଡ ଏଭଳି ଅର୍ଥନୈତିକ ମଡେଲ୍ ବିକଶିତ କରିଛନ୍ତି, ଯାହାଦ୍ୱାରା ସରକାର ଏବଂ କେନ୍ଦ୍ରୀୟ ବ୍ୟାଙ୍କଗୁଡ଼ିକ ଆର୍ଥିକ ସଙ୍କଟ ସମୟରେ ଉପଯୁକ୍ତ ନିଷ୍ପତ୍ତି ନେଇପାରିବେ। ବିଶେଷକରି ସୁଧହାର ପରିବର୍ତ୍ତନ, ସରକାରୀ ବ୍ୟୟ ଏବଂ ମୁଦ୍ରାନୀତି କିପରି ଅର୍ଥନୀତିକୁ ପ୍ରଭାବିତ କରେ, ସେନେଇ ସେମାନଙ୍କ ଗବେଷଣା ନୂଆ ଦିଗ ଦେଖାଇଛି।