ଯୌନ ନିର୍ଯାତନାର ଶିକାର ପୀଡ଼ିତାଙ୍କ ପରିଚୟ ରହିବ ଗୁପ୍ତ :ଓଡ଼ିଶା ହାଇକୋର୍ଟ

ଯୌନ ନିର୍ଯାତନା ମାମଲାରେ ଶିକାର ହୋଇଥିବା ବ୍ୟକ୍ତି ବା ପୀଡ଼ିତାଙ୍କ ପରିଚୟ ଯେପରି ସାର୍ବଜନୀନ ନହୁଏ, ସେଥିପାଇଁ ଓଡ଼ିଶା ଉଚ୍ଚ ନ୍ୟାୟାଳୟ ଏକ ନୂଆ ଏବଂ କଠୋର ପ୍ରୋଟୋକଲ୍ ଲାଗୁ କରିଛନ୍ତି।ମାମଲାର ଶୁଣାଣି ସମୟରେ କିମ୍ବା କୋର୍ଟଙ୍କ ରାୟ ପ୍ରକାଶ ପାଇବା ବେଳେ ପୀଡ଼ିତାଙ୍କ ନାମ, ଠିକଣା କିମ୍ବା ଏପରି କୌଣସି ତଥ୍ୟ ପ୍ରଦାନ କରାଯିବ ନାହିଁ, ଯାହାଦ୍ୱାରା ତାଙ୍କର ପରିଚୟ ଜଣାପଡ଼ିବ।ଛଦ୍ମନାମର ବ୍ୟବହାର: ପୀଡ଼ିତାଙ୍କ ପ୍ରକୃତ ନାମ ବଦଳରେ ‘X’, ‘Y’ କିମ୍ବା ଅନ୍ୟ କୌଣସି ସାଙ୍କେତିକ ନାମ ବ୍ୟବହାର କରାଯିବ।ଅନଲାଇନ୍ କିମ୍ବା କୋର୍ଟଙ୍କ ୱେବସାଇଟରେ ଉପଲବ୍ଧ ହେଉଥିବା ରାୟ କିମ୍ବା ମାମଲା ସମ୍ବନ୍ଧୀୟ ଦସ୍ତାବିଜରେ ପୀଡ଼ିତାଙ୍କ ବିବରଣୀକୁ ସମ୍ପୂର୍ଣ୍ଣ ଗୋପନ ରଖାଯିବ ।ହାଇକୋର୍ଟ ସମସ୍ତ ନିମ୍ନ ଅଦାଲତ ଏବଂ ପୋଲିସ ପ୍ରଶାସନକୁ ମଧ୍ୟ ଏହି ନିୟମକୁ କଡ଼ାକଡ଼ି ଭାବେ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି।ପୀଡ଼ିତାଙ୍କ ସାମାଜିକ ସମ୍ମାନ ଏବଂ ସୁରକ୍ଷାକୁ ଦୃଷ୍ଟିରେ ରଖି ଉଚ୍ଚ ନ୍ୟାୟାଳୟ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି।